「做社工，但政府好似又 cut 咗社會福利」 「香港生育率越來越低，AI 又普及，殺校、老師需求會降低」 「讀 Soci、讀哲學好似出名係乞食㗎，可以做咩工？」 「Physio 好似 5 年之後會唔吃香，可能會飽和失業。」
成日都會聽到讀醫療會飽和、教育會殺校、社工會 cut 社福 Budget，好似冇一科有得讀。我覺得依種負面諗法太過悲觀。
點解市場會飽和？
就係因為過去有好多同學覺得讀完出嚟一定有工開、穩定又賺錢，一窩蜂沖去讀，院校又開咗好多課程，所以一堆「淨係想搵份穩定有錢工」而唔係有足夠興趣嘅同學入去讀。當市場飽和 / 需求減少，就只有真正有能力嘅前段人留得低。
- 冇人能提前預知未來 10 年前景，冇一條路一定順風順水
- 市場再差都一定有位請新人，任何行業都有正常更替
- 但位置少咗，只有行業頭部先真係有機會
- 要做到中上游，必須對嗰個行業有足夠興趣同熱誠
揀自己有熱誠、有興趣、讀得好嘅範疇，而唔係為牌為穩定而讀，成為畢業生中較優秀部分，就冇咁需要擔心就業。