有牌 ≠ 一定搵到工 ≠ 唔會被炒 ≠ 人工高
過分集中建立個別專業能力，Universal Skills 不足，會被鎖定喺一個行業入面。一旦發現自己唔鐘意，轉行成本會好高（可能要額外讀 Master、由低做起兩三年）。
- 行業需求逐漸減少或被科技替代（打字員、校對、翻譯），可能難以轉行
- 行業逐漸飽和，只有頭 50% 畢業生能留低：做冇興趣嘅嘢，你能做到頭 50% 嗎？
「讀 XX 就前途好、讀 YY 就乞食」係咪真？
大家可能睇太多連登，經常聽到某科「乞食」、薪水低嘅言論。但每個人能力、興趣、目標唔同，無論讀乜嘢科，你嘅前途取決於你大學成績同 exposure。
- 大學期間 intern 同 ECA 累積嘅 CV，比你主修乜嘢更加重要
- 如果爭取到大公司 intern 或多參加 ECA，未來更容易搵到適合自己嘅工
- 「乞食科」並非科目問題，而係人嘅問題 — 公司睇你整體 Package，唔係淨係睇主修
- 揀你有興趣（即使被叫「乞食」）嘅科系，讀得開心、成績更好、機會更多