畢業生工作通常可以分做三類：要有牌先返到嘅工、最好讀相關科目嘅工、冇相關主修科目嘅工。
要有牌先返到嘅工
必須讀相關科目，例如醫療學系、律師、精算、建築師、規劃師。想從事依類工作必須就讀相關學位並考獲資格，只有指定課程嘅畢業生先可以考專業試 / 獲得牌照。
最好讀相關科目嘅工
例如記者唔一定要讀傳理系，但讀咗就會好啲；IT 唔一定要讀 CS，自學都得。想入行最好讀相關科系，四年訓練會令你更深入了解行業，好多公司請 Major 同學做 intern。讀其他系都可以透過自學、Networking、Intern 入嗰行。
冇相關主修科目嘅工
例如公務員 (AO/EO)、太古、新地、馬會等大公司 MT。呢類工作着重 Project Management、Leadership、Communication、Language 等 general skills，同你主修無關。四年大學參加活動同實習係關鍵。
如果想繼續進修：三種升學路
研究式碩士 / 博士 (M.Phil / Direct PhD)
喺本科或相關科目做研究，上堂時間少，要搵 Prof 收你，通常 First / Second Upper Hon Grad 先有機會。本地研究生免學費，通常有 TA 位約 HK$17,000 月薪。最終成為講師 / 教授。
授課型碩士 (Taught Postgraduate)
同學士一樣上堂做功課，主要為進修、興趣、轉行。可以讀同本科相關或無關嘅科，好多人為轉行 / 升職而讀。學費幾十萬起跳。
學位教師教育文憑 PGDE
大學本科畢業後讀返 PGDE 就可以做中小學老師。但要諗清楚市場有冇需求。近年 PGDE 入學競爭激烈，大學主修同申請科目相關者優先。PGDE 並非入中學教書嘅必要條件。